Neuri buruz
Lilura nola sortu zen?
Lilura 2023ko azaroan jaio zen ilusio bat da, baina has gaitezen hasieratik:2023ko azaroan jaio zen ilusio bat da, baina has gaitezen hasieratik:
Bizitzaren gorabeherengatik, ekitea erabaki nuen. Zein negozio mota nahi nuen pentsatu ondoren neure liburu-denda irekitzea erabaki nuen. Nolatan? Ba, besterik gabe, primeran ezagutzen dudan saltoki bat delako. Nire bizitzak beste bide batzuetatik jotzen bazuen ere, Antigua auzoko liburu-denda batean “jaio” nintzelako. Liburu, koaderno, prentsa… artean hazi nintzen, liburu-saltzaileen alaba eta arreba naizelako.
Aitaren heriotzaren ondoren, eta nire familiaren baldintzarik gabeko laguntzarekin, abentura txiki honetan murgildu nintzen.
Ez zen batere erraza izan, baina logistika guztia bideratu ondoren, zailena gelditzen zitzaidan: liburu-dendaren izena aukeratzea. Goiz batean, hiztegia eskuan zuelarik, ahizpak aukeratu zuen izena. Amaren izarra eta aitaren idazluma primeran egokitzen ziren bertan (biak egongo lirateke gutaz hain harro…). Nire senarraren eta etxeko txikien detaileak ere badaude lokalean. Izan ere, amets hau nirea izan arren, denek partekatzen dugun ametsa da.
Liburu-usaina eta zoriona (nirea behintzat) bermatuta dituen leku bat sortzea lortu dut. Nik gomendatutakoa eskertzera zatoztenean eta urtebeteren ondoren bezero asko lagun bihurtu direla ikustea da zoriontasuna niretzat.
Nire ametsa hasteko non hobeto Lasarte-Orian baino; niretzat oso harrera ona izan duen eta betirako eskertuta egongo naizen herria. Nire familia sortu dudan lekua, eta denbora luzez egotea espero dudana.
Egunen batean nire alabek edo ilobak “liburu-saltzaileen famili” honekin jarraituko duten ez dakit, baina pozik nago gremio honetan jarraitzen dudalako eta egunez egun borrokan nabilelako nire txokotxoak aurrera egin dezan.
Eskerrik asko guztioi!
Eta gogoratu leku guztietara daramadan leloa:
“Irakurtzeak libre egiten gaitu”
Testigantzak
